УИХ-ын чуулганы нэгдсэн хуралдаанаар Засгийн газрыг огцруулах асуудлыг хэлэлцэж байна. Хэлэлцэх асуудалтай холбоотой гишүүд үг хэлж,асуулт асууж байгаа юм. 

УИХ-ЫН ГИШҮҮН Ж.СҮХБААТАР: Бид өнөөдөр ковидтой дайтаж байгаа. Хариуцлага, итгэл гэдэг үг өнөөдөр нэлээд яригдаж байна. Нэг хэсэг нь хариуцлагаас зугтаж байна, нөгөө хэсэг нь хариуцлага хүлээж байна гэж хүлээж авлаа. Би намын дарга У.Хүрэлсүхийн бодлогыг хэрэгжүүлж, шударга ёсыг тогтооно гэж орж ирсэн. Ерөнхий сайд өөрийн хүсэлтээр огцорчихоор бодлого байхгүй болчих юм биш үү гэсэн эргэлзээ бий. Гэхдээ бодлогын тогтвортой байдал алдагдахгүй. Хүнд цаг үед зөрчил гарна. Хэцүү үед зүтгэж байгаа хоёр сайд нь чөлөөлөгдөх хүсэлтээ гаргачихаар эцсийн хариуцлагыг Ерөнхий сайд өөрөө хүлээлээ гэж ойлгож байна. Энэ бол ёс суртахуун, улс төрийн том хариуцлага. Монголд энэ жишиг тогтох ёстой. Төрийн тэргүүний хариуцлага гэж байх ёстой" гэв.