З.ЭНХБОЛД: Х.НЯМБААТАР НАМАЙГ БРОДЮР ХАГАЛСНЫГ БАТАЛ, ҮГҮЙ БОЛ ЯЛАА АВНА

2024-09-17, 202

Нийслэлийн Засаг дарга бөгөөд Улаанбаатар хотын Захирагч Х.Нямбаатар лайв хийх үеэрээ "УИХ-ын дарга асан З.Энхболд шөнийн цагаар алх барьж, бродюр хагалсан" гэж мэдэгдсэн. Улмаар З.Энхболд "Нэр хүндэд халдсан тул цагдаад гомдол гаргана" гэж мэдэгдсэн.

Тэгвэл УИХ-ын дарга асан З.Энхболд хотын дарга Х.Нямбаатарыг нэр төрд халдсан хэмээн цагдаагийн байгууллагад гомдол гаргажээ. Тэрбээр "Хотын захиргааны байр нь Хан-Уул дүүрэгт байрладаг учраас тус дүүргийн Цагдаагийн хэлтэст гомдлоо өглөө. Намайг гаднын улсын тагнуул гэсэн. Түүнийг нь би ойлгоогүй. "Эрдэнэс Тавантолгой"-г хулгайлах гээд байдаг Монгол, Хятадын хамтарсан бүлэглэл байгаа. Тэр бүлэглэлийнхэн байнга гомдол гаргадаг. MCS, Ц.Элбэгдорж гэх мэтийн хүмүүс бий. Х.Нямбаатар тэдний нэг болчихоод гомдоод байх шиг байгаа юм. "Эрдэнэс Тавантолгой"-н ашиг 100 их наяд төгрөг хятад компанийнх болж байсан юм. Үүнийг нь би болон УИХ-ын 40 гишүүн зогсоож байсан юм. Үүний төлөө намайг туршуул гэж байгаа бол цагдаад ирж тайлбараа өг. Өнөөдрөөс эхэлж, намайг бродюр хагалсныг батлах ёстой. Мөн аль улсын туршуул вэ гэдгийг нь батлах ёстой. Тэгэхгүй бол ялаа авна. Сүүлийн найман жил МАН Улаанбаатар хотыг удирдчихаад байгаа хотоо хар. 136 жилийн түүхэнд Ж.Наранцацралт агсан Э.Бат-Үүл хоёроос бусад хотын дарга МАН-ынх шүү дээ. Хот маш их мөнгөтэй болсон. Найман жил засах ёстой замыг сонгуулийн өмнө засаж нүд хуурч байна. Бродюрын асуудлыг би байнга шүүмжилдэг. Үүний төлөө намайг гүтгэж болохгүй" гэлээ.

З.ЭНХБОЛД: Х.НЯМБААТАР НАМАЙГ БРОДЮР ХАГАЛСНЫГ БАТАЛ, ҮГҮЙ БОЛ ЯЛАА АВНА

Шинэ мэдээ

Нийтлэлчид