Ерөнхий сайд У.Хүрэлсүхийн Засгийн газар бүрэн бүрэлдэхүүнээрээ огцрох санал гаргасныг МАН-ын Удирдах зөвлөл дэмжсэн билээ. Харин одоо Төрийн ордонд УИХ дахь МАН-ын бүлэг дээрх асуудлаар хуралдаж байна. Засгийн газрын огцрох саналыг УИХ-аар шийднэ. Харин дараа нь МАН-ын Бага хурлаар шинэ Ерөнхий сайдын нэрийг дэвшүүлэх юм. Ингээд дараагийн Ерөнхий сайдын нэрийг Ерөнхийлөгчид танилцуулж, УИХ-аар томилно. Үндсэн хуулийн нэмэлт өөрчлөлтөөр Ерөнхий сайд танхимаа бүрдүүлэхээр болсон. Тэгэхээр шинэ Ерөнхий сайд томилогдсоны дараа сайд нарынхаа нэрийг оруулж ирэх юм байна.