ХӨСҮТ-ийн дарга Д.Нямхүүг ажлаас нь чөлөөлөх шийдвэрийг Эрүүл мэндийн яамнаас гаргасан байна. Энэ сарын 19-нд Өргөө амаржих газарт төрсөн эхийг халдвартай хэмээн оношилж, ХӨСҮТ рүү тусгаарлахаар шилжүүлэхдээ хүний эрхийг зөрчсөн ноцтой үйлдэл гаргасан. Үүнийг ХӨСҮТ-ийн дарга Д.Нямхүү хүлээн зөвшөөрч, уучлал гуйсан билээ.

Мөн уг асуудалтай холбогдуулан УОК-ын дарга, Шадар сайд Я.Содбаатар, Эрүүл мэндийн сайд Т.Мөнхсайхан нар огцрох өргөдлөө өгсөн. Гэвч Ерөнхий сайд У.Хүрэлсүх өнөө өглөө Засгийн газрыг ээлжит бусаар хуралдуулж танхимаараа огцрох саналыг гаргаад байгаа юм. Одоогийн байдлаар уг саналыг МАН-ын Удирдах зөвлөл дэмжсэн гэх мэдээлэл байна.