УИХ-ын Төрийн байгуулалтын байнгын хорооын өнөөдрийн хуралдаанаар Ц.Цэрэнпунцаг нарын 54 гишүүний санаачлан боловсруулсан бурхан шашин, соёлын биет болон биет бус өв соёлыг сэргээн хөгжүүлэхэд Нөхөн олговор олгох тухай хуулийн төслийг хэлэлцэхээр төлөвлөсөн байсан. Гэвч Засгийн газар энэхүү төслийг дэмжээгүй бөгөөд төсөв, санхүүгийн хүндрэлтэй байгаа үед нөхөн олговор олгох хуулийн төслийг хэлэлцэхгүй байх нь зүйтэй гэж үзсэн байна. Тиймээс Сангийн сайд Ч.Хүрэлбаатар Төрийн байгуулалтын байнгын хороонд мэдэгдэж, хэлэлцэхгүй байх горимын санал гаргажээ. Түүний горимын саналыг  байнгын хорооны гишүүд дэмжиж, дээрх хуулийн төслийг хэлэлцэх асуудлын жагсаалтаас хасав.