ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан:  Сэлэнгэ, Дархан-Уул аймгийн Онцгой комисс болон УОК-ын шуурхай штаб, ЭМЯ, Мэргэжлийн хяналтын газрын хамтарсан судалгааны ажлууд хэвийн явагдсан тул маргааш /2020.04.25/ 06:00 цагт замын хөдөлгөөнийг нээх боломжтой гэж үзлээ. Тиймээс Дархан-Уул, Сэлэнгэ аймаг болон Улаанбаатар хотын орох, гарах хөдөлгөөн дөрөвдүгээр сарын 25-ны өглөө яг 06:00 цагаас нээгдэнэ.  Гэнэт зам хаалаа гэсэн иргэдийн гомдол нэлээд байна. Монгол Улс дотроосоо халдвар гаргахгүй байх тал дээр бид хичэээж байна. Ийм улс орон цөөн байна.  Гэхдээ тайвширч болохгүйг дахин сануулья. Иргэн бүр хорио цээрийн дэглэмийг чанд мөрдөх шаардлагатай. Зам хаах шийдвэрийг хүлээн авч цагдаагийн байгууллагын шаардлагыг биелүүлсэн иргэддээ талархаж байна" гэсэн мэдээллийг өглөө.