Засгийн газрын өнгөрсөн даваа гарагийн ээлжит бус хуралдаанаар нийслэлд тогтоосон хатуу хөл хориог энэ сарын 11-ний 06:00 цаг хүртэл дахин сунгах шийдвэр гарсан. Тэгвэл хөл хориог сунгах эсэх асуудлаар УОК-ын шуурхай штаб өнөөдөр хуралдаж хөл хориог хэсэгчлэн сулруулах нь зүйтэй гэж үзжээ.  

Тиймээс Нийслэлийн онцгой комисс хуралдаж, өнөөдөр 19.00 цагт ирэх даваа гараг буюу энэ сарын 11-нээс ажиллах байгууллага, аж ахуйн нэгжүүдийн жагсаалтыг гаргаж, танилцуулах юм байна. Цаашид БЗД-ийн эмнэлэг шиг том голомт гарахгүй бол хэсэгчилж хязгаарлалт хийх байдлаар халдварын хүрээг тогтоож, тандалтын ажлууд хийх аж.