УИХ-ын чуулганы нэгдсэн хуралдаан үргэлжилж байна. Хуралдаанаар Үндсэн хуулийн цэцэд маргаан хянан шийдвэрлэх тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслИЙГ хэлэлцэж байна. Хэлэлцэж байгаа асуудалтай холбоотой УИХ-ын гишүүд асуулт асууж байна.

УИХ-ЫН ГИШҮҮН Б.ПҮРЭВДОРЖ: Цэцийн гишүүнд улс төрийн өндөр мэргэшил гэж тусгаад байна. Одоогоор улс төрийн өндөр мэргэжил гэж байхгүй. Үүнийг сайн тодорхойлж өгмөөр байна. Хуулиар сурсан дадлага туршлагагүй хүн ирээд суух боломжтой байна. Хүний эрх эрх чөлөөг хамгаалах талаар Цэц шийдвэр гаргах заалтыг дэмжиж байна. Гэхдээ хүний эрхийн асуудлаар иргэний хэргийн шүүхийн шүүгч гурван шатны шүүхийн шийдвэр гаргасны дараа Цэцийн гишүүн  туршлагагүй байж өрөөсгөл шийдвэр гаргавал яах вэ. Цэцийн шийдвэрийг хэн ч хөндөж чадахгүй шүү дээ. Энэ бол Үндсэн хуулийг зөрчиж байгаа асуудал. Энэ асуудлаар Ардчилсан на завсарлага авсан. Их хурал дээр энэ талаар эрх зүйн дүгнэлт гаргаж өгмөөр байна.

УИХ-ЫН ГИШҮҮН Ц.МӨНХ-ОРГИЛ: Улс төрийн өндөр мэргэшил гэдгийг тодотгож өгөөч гэж байгаа юм байна. Гурван жил энэ хуулийг хэлэлцсэн.Олон янзаар ярилцсан. Хууль зүй, улс төрийн өндөр мэргэшилтэй гэдгийг томилж байгаа УИХ өөрөө тогтооно. Гол санаа нь Үндсэн хууль зөрчсөн үү гэдгийг шүүж өгөх хүн гэсэн үг. Энэ бол маш өргөн хүрээний ойлголт юм билээ. Тухайн хүн улс төрийн өндөр мэргэшилтэй гэдгийг хууль тогтоогч нар тогтоож өгнө. 

УИХ-ЫН ГИШҮҮН Б.ПҮРЭВДОРЖ: Их хурал өндөр мэргэшил гэдгийг тогтоож өгөх нь өрөөсгөл ойлголт байна. Цэцийн гишүүнд Ерөнхийлөгч гурав, Дээд шүүх гурав, УИХ гурвыг нь томилж ирсэн. Энэ тохиолдолд ялсан намын дарга нарын саналын дагуу асуудал орж ирдэг. Хэт олонх ялсан энэ үед дурын гишүүнээ оруулж ирээд баталах эрсдэл гардаг. 

УИХ-ЫН ГИШҮҮН Ц.МӨНХ-ОРГИЛ: Хүчин төгөлдөр хуульд энэ талаар тусгасан байдаг. Үүнийг яаж өгч өгөх вэ гэхээр Дээд шүүхээс нэр дэвшигч нар Дээд шүүхийн шүүгчид байна. УИХ-аар нэр дэвшихдээ УИХ2ын олонх цөөнх, олонх цөөнх байхгүй бол Их хуралд суудалтай намуудыг хувь тэнцүүлж байгаад ажлын хэсэг гаргаж, Ажлын хэсгийн гишүүдийн 3/2-ын дэмжлэг авсан бол оруулна гэж байгаа. Тэгэхээр Цэцийн гишүүнд дарга цэрэг нарт таалагдсан хүмүүс орж ирнэ гэх ойлголт байхгүй болж байгаа юм.

С.ГАНБААТАР: Би энэ хуулийг эсэргүүцэж байна. Хуулиар Үндсэн хуулийн эсрэг зарчмууд орж ирж байна. Шийдвэр гаргагч нар хууль зөрчдөг юм шүү. Бусад шүүхийн асуудлыг давхардуулж, бусдын ажлыг булааж байна.