УИХ-ын чуулганы хуралдаанаар Монгол Улсын Үндсэн хуулийн цэцийн 2020 оны 12 дугаар дүгнэлтийг хэлэлцэж байна. Эрүүгийн хуульд нэмэлт, өөрчлөлт оруулах тухай хуулийг дагаж мөрдөх журмын тухай хууль нь Үндсэн хуулийн холбогдох заалтыг зөрчсөн гэж дүгнэлт гаргажээ. Харин Хууль зүйн байнгын хорооны хуралдаанаас  Үндсэн хуулийн цэцийн дээрх дүгнэлтийг хүлээн авах шаардлагагүй гэж үзсэн юм. 

Тухайлбал, УИХ-ын гишүүн С.Одонтуяа “Эрх зүйн байдлыг дордуулах замаар буцаан хэрэглэх нь ирээдүйд маш том хууль ёсны хэлмэгдүүлэлт хийх суурийг нь тавих юм байна. Албан тушаалтны гэмт хэрэг, хөөн хэлэлцэх хугацаан дээр асуудал алга” гэсэн бол УИХ-ын гишүүн Н.Алтанхуяг “Үндсэн хуулийн дүгнэлтийг хүлээж авахыг дэмжиж байна. Гэхдээ авлигачдыг дэмжиж байгаа юм биш. 2017 онд УИХ авлигачдыг өөгшүүлсэн хууль баталсан. 2020 онд нуухыг нь авах гээд нүдийг нь сохолсон байна. Авлига албан тушаалын хэргийг хөөн хэлэлцэх хугацаагүй болгох хэрэгтэй” гэлээ.