Засгийн газраас хөл хориог сунгах эсэх асуудлаар мэдээлэл өгч байна. Шадар сайд Я.Содбаатар "Мэргэжлийн байгууллага, яам, тамгын газрын саналаар ирэх долоо хоногийн даваа гараг хүртэл нийслэлд хөл хориог сунгаж байна. Харин нэгдүгээр сарын 11-ний 06:00 цагаас зэрэглэлээ бууруулж, зарим худалдаа, үйлчилгээний зарим байгууллагыг нээх шийдвэр гаргаад байна. Энэ долоо хоногийн хугацаанд халдварын тархалт нэмэгдвэл хатуу арга хэмжээ авахаас өөр аргагүй. Хөл хорионы асуудал тооцоо судалгааны дагуу явахгүй байгаа. Хатуу хөл хориог сулруулбал халдварын тархалт нэмэгдэж болзошгүй. 

Засгийн газар, УОК уян хатан шийдвэр гаргаж байгаа. Халдварын нөхцөл байдал буурвал иргэд, аж ахуйн нэгжийг хэвийн  горимд шилжүүлэх шийдвэр гаргах болно. Халдварын тархалт нэмэгдвэл хатуу хөл хорио тогтооно. Хатуу хөл хорио тогтоовол эргэж буцсан шийдвэр биш шүү. Орон нутагт хэвийн горим руугаа шилжих боломжтой болж байна" гэв.