Засгийн газрын ээлжит бус хуралдааны шийдвэрийг Шадар сайд Я.СОДБААТАР танилцуулж байна. Тэрбээр “Улаанбаатар хотын хэмжээнд бүх нийтийн бэлэн байдлын зэргийг сунгах саналыг Засгийн газрын хуралдаанаар орууллаа. Ингээд одоо үргэлжилж байгаа хөл хориог нэгдүгээр сарын 6-ны өдрөөс тав хоног сунгаж, энэ сарын 11-ний өглөөний 06:00 цагаас бүх нийтийн бэлэн байдлын зэргийг бууруулж, зарим худалдаа үйлчилгээний байгууллагыг нээхээр боллоо. Энэ шийдвэрийг олон талаас нь судалж үзэж гаргасан. Сүүлийн гурав хоногийн хугацаанд Улаанбаатар хотын 3600 иргэнээс санал авсан. Үүний 70 орчим хувь нь хөл хориог сулруулах ёстой гэж үзсэн бол 30 хувь нь хатуу хөл хориог үргэлжлүүлэх ёстой гэсэн санал өгсөн. Мөн төрийн байгууллагуудаас санал авахад хөл хориог үргэлжлүүлэх ёстой гэсэн санал өгсөн. Гэхдээ энэ долоо хоногийн хугацаанд халдварын шинэ голомт үүсвэл цаашид хатуу арга хэмжээ авна” гэлээ. 

Мөн энэ жилийн Цагаан сарын баярыг тэмдэглэхгүй байх шийдвэр гаргажээ.