Эрсдэлтэй цаг үед иргэд нийтийн тээврээр зорчихдоо амны хаалтаа тогтмол зүүж, гараа ариутгаж явахыг иргэдэд Улсын онцгой комиссоос анхааруулж байна. Энэ ажлын хүрээнд  Нийслэлийн засаг даргын орлогч Б.Отгонсүхээр ахлуулсан албаныхан автобусны цэвэрлэгээ, ариутгал болон зорчигчид масктай үйлчлүүлж байгаа эсэхэд явцын шалгалт хийж танилцсан байна.  Мөн амны хаалт зориудаар зүүхгүй байгаа иргэдийг хүний эрүүл мэндэд санаатай хохирол учруулсан үндэслэлээр гэмт хэрэг хийсэнд тооцож, 150 мянган төгрөгөөр торгох арга хэмжээг авах болсон талаар мэдээллийг хүргэж ажилласан байна.