Коронавирусийн халдвар дотоодод тархаж байгаатай холбоотой Засгийн газраас хөл хориог дахин сунгаж, энэ сарын 6 хүртэл Улаанбаатар хотын хэмжээнд бэлэн байдлын зэрэгт шилжээд буй. Тэгвэл хөл хорио сунгах эсэхийг маргааш УОК  болон Засгийн газар хуралдаж, хэлэлцэн шийдэхээр товложээ.

Өнөөдөр УОК-ын  Шуурхай ажлын хэсэг хуралдан, бүх нийтийн бэлэн байдлын хугацааг сунгах эсэх талаарх мэргэжлийн байгууллагуудын дүгнэлтийг хэлэлцэж байгаа аж. Мөн өнөөдөр сайд нар хуралдаж, цаг үеийн нөхцөл байдлын талаар хэлэлцжээ.