УИХ-ын дарга Г.Занданшатар өнөөдрийн чуулганы хуралдааны үеэр ирэх онд хэрэгжүүлэх эдийн засгийг дэмжих 1-2 их наяд төгрөгийн багц хөтөлбөрийн талаар онцолж, хэлэлцүүлгийн шатанд гишүүд идэвхитэй оролцохыг хүслээ. Тэрбээр “УИХ-ын даргын захирамжаар байгуулагдсан Б.Жавхлан, Ж.Ганбаатар, Б.Чойжилсүрэн нарын гишүүдтэй ажлын хэсэг эдийн засгийг дэмжих нэг их наяд төгрөгийн хөтөлбөрийн тухай тогтоолын төслийг өнөөдөр өргөн барилаа.  Уг хөтөлбөрт макро эдийн засгийн тэнцвэрийг хадгалж, бодит эдийн засагт оролцогчдын санхүүгийн чадварыг хамгаалах, ажил олгогч, баялаг бүтээгчдийг төрөөс дэмжих, төв банканд хуримтлагдсан эх үүсвэрийг эдийн засагт дайчлан оролцуулах тухай тусгасан гэлээ.