УИХ-ын чуулганы өнөөдрийн хуралдаанаар Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ. Энэ үеэр УИХ-ын гишүүд асуулт асууж, саналаа хэлсэн юм. УИХ-ын гишүүн Н.Алтанхуяг хөл хорионы үед Хүүхдийн төлөө фонд нэрээр иргэдээс хандив авч олон хүн цуглуулсан арга хэмжээ зохион байгуулсныг шүүмжилсэн юм. 

Мөн УИХ-ын гишүүн Ц.Даваасүрэн цахим хичээлийн үр дүнгийн талаар асуугаад амьдралын боломж тааруу айлын хүүхдүүдийг хичээл хийх боломжоор нь хангах үүднээс компьютерийн асуудлыг шийдэж өгөхийг хүслээ. Мөн эрүүл мэндийн ажилтнуудыг PCR шинжилгээнд байнга хамруулах ёстойг сануулав.