Засгийн газраас гаргасан шийдвэрийг танилцуулах үеэр сэтгүүлчдийн асуултад хариуллаа. ОБЕГ-ын дарга Ариунбуян “Ирэх сард тусгай үүргийн нислэг үйлдэх эсэхийг тусгаарлах байрын нөхцөл байдал, дотоодын халдварыг ажиглаж байж шийднэ. Нийслэлийн хэмжээнд 27 тусгаарлах байранд 1600 гаруй хүн бий. Тусгаарлах байрны хяналтыг сайжруулсан.

Хоёрдугаарт, нийслэлээс гарах хөдөлгөөний нэгдүгээр сарын 6 хүртэл зогсоосон. Нийслэл өөрөө голомттой бүс болсон учраа ачаа тээврийн, эрүүл мэндийн шалтгаантай иргэдийг гаргаж байгаа. Нөхцөл байдал хэрхэн өөрчлөгдөхийг харж байгаад орон нутаг руу гарах хөдөлгөөнийг зохицуулна. Харин орон нутгаас ирж байгаа иргэд голомтын бүсээс ирж байгаа бол PCR-аар шинжлүүлсэн байх шаардлагатай. Хэрвээ боломжгүй бол түргэвчилсэн оношлуураар оношуулах ёстой.