УИХ-ын чуулганы хуралдаанаар Эрчим хүчний салбарын мэдээллийг сонслоо. Үүнтэй холбогдуулан гишүүд асуулт асууж, хариулт авч байна. Тухайлбал, УИХ-ЫН ГИШҮҮН Ж.МӨНХБАТ “Эх оронч сэтгэлгээгээр эрчим хүчээ хэмнэе гэсэн уриалга сошиал сүлжээгээр явж байна. Үүнийг ч гэсэн УИХ-ын гишүүд бодлогоор дэмжих ёстой. Төрийн хариуцлагатай алба хашиж байгаа хүмүүс энэ уриалгад нэгдэж,  манлайлал үзүүлэх ёстой. Саяхан Ерөнхий сайдын өрөөнд албан ажлаар орсон чинь эх оронч сэтгэлээр эрчим хүчээ хэмнэнэ гэчихсэн ажлын арын өрөөний нэмэлт халаагуураа салгачихсан сууж байна лээ. Өрөө нь нэлээд хүйтэн, жоохон суусан чинь жиндэх маягтай байна лээ. Жишээлбэл, Ерөнхий сайд маань тийм л өрөөнд сууж байна. Энэ мэт асуудалд ингэж хандах хэрэгтэй” гэлээ.