УИХ-ын чуулганы нэгдсэн хуралдаан үргэлжилж байна. Чуулганы хуралдааны үеэр УИХ-ын гишүүн С.Одонтуяа хорих ангийн ялтнууд вирус авах эрсдэлтэй гэдгийг анхааруулж, хөнгөн ялтай хүмүүсийг суллах боломжтой эсэхийг тодрууллаа. Тэрбээр "Хорих газар ял эдэлж байгаа хөнгөн ялтнуудад өршөөл үзүүлэх боломжтой юу. Тэд ажилтнаараа дамжуулж, халдвар авах эрсдэлтэй. Хэрвээ халдвар гарчихвал эмчлэхэд хүндрэл үүснэ. Дархлаагүй хүмүүс халдварт өртөж байгаа гэх судалгаа гаргасан байна. Энэ асуудлаар НҮБ-ын Хүний эрхийн комисс уриалга гаргасан байна лээ. Энэ бол урьдчилсан сэргийлэх чухал асуудал шүү" гэв.