Нийслэлд хатуу хөл хорио тогтоож, тусгай чиг үүргийн 15 байгууллагын үйл ажиллагааг явуулахаар болсон. Үүнтэй холбоотой автомашины хөдөлгөөнд хязгаарлалт хийх юм. Өнгөрсөн хөл хорионы үеэр 23 мянган автомашины QR кодын баталгаажуулжээ. Энэ удаад нэмж гэр бүл, хүүхэд хамгааллын чиглэл, Төрийн захиргааны зарим байгууллагынханд QR код олгохоор болсон байна.

Энэ сарын 23-наас эхлэн өмнөх QR зөвшөөрөлтай авто машинуудын зорчих эрх сэргэнэ. Нийтийн тээврийн автобус, зөвшөөртэй таксиг үйлчилгээнд явуулна. Нэг автобусанд 12-оос дээш хүн суулгахгүй байхаар зохицуулалт хийхээр болжээ. Ингэснээр нийслэлд 40-50 мянган тээврийн хэрэгсэл хөдөлгөөнд оролцох тооцоо гаргажээ.