Засгийн газраас хөл хориог сунгах эсэх асуудлаар мэдээлэл өгч байна. 

УОК-ын дарга Я.Содбаатар "Улаанбаатар хотын хэмжээнд хэсэгчлэн хөл хорио тогтоох шийдвэр гаргалаа. Тодруулбал, нийслэлийн хэмжээнд Засаг захиргаа, нутаг дэвсгэрийн нэгж, төрийн болон нутгийн захиргааны байгууллага, иргэн хуулийн этгээдийг 2020 оны арванхоёрдугаар сарын 23-ны 06:00 цагаас 2012 оны нэгдүгээр сарын 06-ны 06:00 цаг хүртэл хугацаанд гамшгаас хамгаалах бүх нийтийн бэлэн байдалд хэсэгчлэн шилжүүлэх тушаал гаргалаа. Энэ 14 хоногийн хугацаанд тодорхой бэлтгэл хангуулах үүднээс өнөө, маргаашдаа хатуу хөл хорио тогтоохгүй. Цар тахал гарснаас хойш Засгийн газар иргэдийн эрүүл мэндийг хамгаалах талаар анхаарч ажиллаж байна. Гол нь эрүүл мэндийн байгууллагын ачааллыг нэмэгдүүлэхгүй байхад анхаарч байгаа. Баянзүрх дүүргийн эмнэлэгт  энэ сарын 11-15-ны хооронд эмчлүүлж байгаад гарсан хүмүүс байна. Нийгмийн харьцаанд орсон гэсэн үг. Тиймээс халдварын тархалт нэмэгдэх эрсдэлтэй байна. Хоёрдугаарт, шинэ жилийн арга хэмжээг хязгаарлах хэрэгтэй гэж үзээд хатуу хөл хорио тогтоохоор болсон.

Өмнө нь 13 чиглэлийн үйл ажиллагааг хязгаарлаагүй. Одоо 15 чиглэлийн байгууллагын үйл ажиллагааг хязгаарлахгүй.

1. Эрчим, хүч, дулаан, сайжруулсан түлшний үйлдвэр
2. Хүнсний үйлдвэр, худалдаа, тээвэр түгээлт
3. Газрын тос, түлш, түгээлт  үйлдвэрлэл
4. Малын өвс, тэжээл тээвэрлэлт
5. Улсын онц чухал стратегийн ая холбогдол бүхий байгууллагын үйл ажиллагаа
6. Нийтийн тээвэр, зөвшөөрөлтэй такси үйлчилгээ
7. Хот суурийн усан хангамж, ариутгалын татуургын ашиглалтын үйл ажиллагаа
8. Эрүүл мэндийн байгууллага
9. Банкны үйл ажиллагаа
10. Харилцаа холбоо, шуудан, хэвлэл мэдээлэл
11. Тусгайлсан чиг үүрэг бүхий үйл ажиллагааны байгууллага
12. Хууль, тогтоох, шүүх, өмгөөллийн байгууллага
13. Төрийн Захиргааны байгууллагын ажилчдын 10-15 хувь
14. Хүүхэд хамгааллын байгууллага
15. Буян, оршуулгын газрын үйл ажиллагааг хязгаарлахгүй.