УИХ-ын чуулганы нэгдсэн хуралдаанаар Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хууль, Улсын Их Хурлын тогтоолын төслүүдийн эцсийн хэлэлцүүлгийг хийж байна. Энэ үеэр УИХ-ын гишүүн Ж.Батсуурь Үндсэн хуулийн дараа орох чухал хуулийн төсөл хэлэлцэж байгааг сануулаад “энэ хуулийн 56.1.5, 56.7, 56.8 гэсэн заалтууд Үндсэн хууль зөрчиж байна. 1996 онд С.Нарангэрэл нарын хүмүүс Үндсэн хуулийн цэцэд хандаад зөвшилцөнө гэсэн заалт Үндсэн хууль зөрчиж байна гэсэн дүгнэлт гаргаж байсан. Үүнд анхаарал хандуулах хэрэгтэй. Монгол Улсын тусгаар тогтнол алдагдах аюулд хүргэх заалт орж ирж байна. Эдийн засгийн эрх мэдлийг дагасан улс төрийн эрх мэдэл очиж босоо тогтолцоо үүсэхээр харагдаж байна. Хэрвээ энэ заалт батлагдвал Үндсэн хуулийн цэцэд хандана. 

Т.Доржханд гишүүн орон нутагт очиж үзээгүй байж орон нутгийн асуудлаар ярихаа болих хэрэгтэй. Өөрийнх нь амьдарч байсан Улаанбаатар нь гайхалтай больчихоод байгаа юм уу. Тиймээс орон нутгийн асуудлыг мэдэхгүй байж орон нутгийн хуулийг дордуулах санал хэлэхээ болих хэрэгтэй” гэлээ.