Дубайн гэрээг цуцлах саналыг тавьсан тухай ЗГХЭГ-ын дарга Л.Оюун-Эрдэнэ хэвлэлийнхэнд өгсөн мэдээллийн үеэр хэллээ. Тэрбээр “Бид дангаараа цуцалж чадахгүй. Оюутолгойн төслийг Монголын талд хэрхэн ашигтай болгох чиглэлээр урьд өмнө байгаагүй том баг хэлэлцээ хийхээр ажиллаж байна. Өнгөрсөн хугацаанд Засгийн газар хөрөнгө оруулагч талын өмнө хүлээцтэй, дуулгавартай байж ирлээ.

Цаашид ийм байж болохгүй. Тавантолгойн цахилгаан станцыг бариад 100 хувь эрчим хүчээ хангаад эхэлбэл энэ нь Монгол Улсад томоохон хэмжээний үр өгөөжөө өгнө. Канадад “Рио Тинто” компани төлж байгаатай адил татварыг Монголын талд төлүүлэхээр нэхэмжлэх гаргасан. Эхний ээлжинд 155 сая ам.долларыг төлөх асуудлыг нэхэмжилж, Арбитрын маргаан үүсгээд явж байна” гэлээ.