УИХ-ын Халдашгүй байдлын дэд хороо өнөөдөр хуралдаж "УИХ-ын гишүүн Ж.Эрдэнэбатын эрх зөрчигдсөн хэмээн үзжээ. Тодруулбал дэд хорооны дарга Н.Энхболд  “Олон улсын парламентын холбоо парламентын гишүүдийн эрх зөрчигдсөн эсэх асуудалд хяналт тавьж, араас нь шалгаад явдаг дүрэм журамтай. Үүн дагуу гэр бүл, өмгөөлөгч, дэд хорооноос шүүхийн байгууллагад санал явуулсан. Энэ асуудлаар ОУПХ хуралдаад, Ж.Эрдэнэбат гишүүний эрх гурван үндэслэлээр зөрчигдсөн байна гэж дүгнэн, хэрэг нээсэн” гэлээ. Тодруулбал, Мөрдөх ажиллагаа хууль журмын дагуу явагдаагүй, Шүүх хурал шударга бус явагдсан, Парламентийн гишүүний халдашгүй эрхийг зөрчсөн хэмээн үзсэн аж.

“ОУПХ хэрэг нээсэн гэдэг нь том асуудал. Тиймээс хууль зөрчигдсөн байвал Монгол Улсын нэр хүнд, хуулийн байгууллагын хувьд таатай зүйл болохгүй” гэдгийг УИХ-ын гишүүн Н.Энхболд хэллээ.