УИХ-ын чуулганы хуралдаан эхэллээ. Хуралдаанаар Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хууль, Улсын Их Хурлын тогтоолын төслүүдийн анхны хэлэлцүүлгийг хийж байна.  

Байнгын хорооны санал дүгнэлтийн УИХ-ын гишүүн Ж.Сүхбаатар танилцуулж байна.  УИХ дахь АН-ын бүлэг уг хуулийн төслөөр хоёр удаа завсарлага авч байсан. Тэд хуулийн төслийг дахин хэлэлцүүлэх ёстой гэсэн байр суурийг илэрхийлсэн байна. 

Мөн өнөөдрийн хуралдаанаар “Монгол Улсын Их Хурлын сонгуулийн 28 дугаар тойрогт нөхөн сонгууль товлон зарлах, санал авах өдрийг тогтоох тухай” Улсын Их Хурлын тогтоолын төслийг хэлэлцэх юм.