УИХ-ын байнгын хороодын хурлаар Ерөнхийлөгчийн сонгуулийн тухай хуулийн төслийг хэлэлцэж байгаа юм. Энэ үеэр УИХ-ын гишүүн Б.Пүрэвдорж "Сонгинохайрхан дүүргийн 28 дугаар тойрог нийт сонгогчдын 15 орчим хувийг эзэлдэг аль ч сонгуулийн үр дүнд шууд нөлөөлөхүйц том тойрог. Тиймээс УИХ-ын нөхөн сонгуулийг Ерөнхийлөгчийнхтэй хамт явуулж болохгүй. Хамт явуулбал 100 сая төгрөг, тусад нь явуулахад нэг тэрбум төгрөгийн зардал гарна гэж байна. Та нар мөнгийг тоодог хүмүүс биш.

100 тэрбум төгрөг жорлонд төсөвлөж чадаж байгаа юм чинь төрийн сонгуульд мөнгө гаргах нь асуудал биш байх. Нэг нь нөгөөдөхдөө нөлөөлөх том тойрог учраас дараа нь маргаан гарна. Үүнийг хойшлуулах хэрэгтэй. Миний саналаар УИХ-ын нөхөн сонгуулийг аравдугаар сарын 20-нд болгох нь зөв. 1945 онд Тусгаар тогтнолоо баталгаажуулах ард нийтийн санал асуулгыг 10 дугаар сарын 20-нд явуулж байсан. Сонгуулийг хурдан хийж ард иргэдээ төлөөлөлтэй болгоё гэж байна. Д.Гантулгыг гишүүнээс эргүүлэн татаад хоёр жил иргэд төлөөлөлгүй явсан шүү" гэлээ.