УИХ-ын Нутгийн удирдлагын дэд хороо Засаг захиргаа, нутгийн удирдлагын тухай хуулийн хэлэлцүүлэг хийж байна. Хууль 2022 оны нэгдүгээр сарын 1-нээс хэрэгжиж эхлэх юм. Тус хэлэлцүүлэгт аймаг, нийслэлийн ИТХ-ын төлөөлөгчид оролцож байна. Тухайлбал, төлөөлөгч нар аймгийн Засаг даргын орлогч нарын ажлын чиг үүргийг тодорхой болгох ёстой гэсэн саналыг өгч байна. Мөн нутгийн өөрөө удирдах ёсны байгууллагыг чадавхижуулах хэрэгтэй, орон нутгийн өмчийн эрхийг нэмэгдүүлэх ёстой гэсэн байр суурийг илэрхийлж байна. Зарим тохиолдолд төрийн ажил руу бизнесийн төлөөлөгч нар хэт их оролцож байгааг төлөөлөгч нар шүүмжилж байна. Мөн орон нутгийн хувьд эрх мэдлийг нэмэгдүүлэх ёстой. Тиймээс уг хуулийг орон нутгийн үндсэн хууль болгох ёстой гэж үзэж байгаа аж.