УИХ-ын чуулган болон байнгын хорооны хуралдаан өнгөрсөн өдрүүдэд цахимаар хуралдаж байсан. Харин өнөөдрийн хуралдаан Төрийн ордонд танхимуудад хуваагдан хуралдаж байгаа юм. Гэвч санал хураалтад оролцох үеэр олон танхимаас зэрэг санал өгөх боломжгүй техникийн нөхцөл байдал үүссэн учраас гишүүд гар өргөж саналаа өгч байна. Уг саналыг УИХ-ын гишүүн Д.Тогтохсүрэн гаргасан бөгөөд дэгийн дагуу  “гар өргөж санал өгөх боломжтой” гэж УИХ-ын дарга холбогдох заалтыг уншиж танилцуулснаар УИХ-ын гишүүд зөвшөөрсөн. Ингээд танхимуудын хуралдаан удирдаж буй гишүүд гар өргөсөн саналыг тоолж, УИХ-ын дарга нэгтгэж танилцуулж байна.