УИХ-ын чуулганаар 2021 оны улсын төсөвт тавьсан Ерөнхийлөгчийн хоригийг хэлэлцэж хуралдаанд оролцсон 61 гишүүний 50 нь буюу 82 хувийн саналаар Ерөнхийлөгчийн хоригийг хүлээж авах боломжгүй гэж үзлээ.

Ингэснээр ирэх оны төсөв хэвээр үлдэж байна. УИХ дахь МАН-ын бүлгийн хурлаар хэлэлцээд хоригийг хүлээж авах боломжгүй гэдэгт санал нэгдсэн байсан. Тиймээс олонхийн саналаар чуулганы хуралдаанд Ерөнхийлөгчийн хориг дэмжигдсэнгүй. Үүнийг Ардчилсан намын бүлгийнхэн эсэргүүцэж, бүлгийн дарга Д.Ганбат хуралдааныг орхин гарсан юм. Чуулганы хуралдаан үргэлжилж байна.