УИХ-ын чуулганы хуралдаанаар Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах талаар чиглэл өгөх тухай Улсын Их Хурлын тогтоолын төслийг хэлэлцэж байна. Үүнтэй холбогдуулан УИХ-ын гишүүд Сангийн сайд Ч.Хүрэлбаатараас асуулт асууж, хариулт авч байна. Энэ үеэр УИХ-ын гишүүн С.Ганбаатар Япон улсаас зээл нэрээр гуйлга гуйж байгааг шүүмжлээд Ерөнхий сайдад хандаж үг хэллээ. Тэрбээр Оюутолгойн гэрээг өөрчилж өгөхийг Ерөнхий сайд У.Хүрэлсүхээс хүслээ. “Монгол улсад ганцхан Ерөнхий сайд энэ гэрээнд өөрчлөлт оруулах хүсэлтийг гаргаж чадна. Давагдашгүй хүчин зүйлийн энэ үед Оюутолгойн гэрээндээ өөрчлөлт оруулж, ашиглах ёстой” гэлээ.