УИХ-ын чуулганы танхимд гишүүдийн суух суудлын хооронд шилэн хаалт байршуулсан нь олон нийтийн шүүмжлэлд өртөөд байгаа билээ. Иргэд маск ч авах тэнхэлгүй байхад УИХ-ын гишүүд болон хотын дарга өөрсдийгөө хамгаалж байна гэх шүүмжлэл бий болоод байгаа юм.  

Харин үүнд УИХ-ын дарга Г.Занданшатар тайлбар хэллээ. Тэрбээр улс орны ажлыг хэвийн явуулах үүднээс олон улсын туршлага судалж халдвараас хамгаалах ажлыг хийж байгаа гэлээ. Олон улсад ийм хаалт хийж хурал, зөвлөгөөнийг зохион байгуулж байна. Халдвар тархвал хэн хариуцах вэ, чуулганы хуралдаан явахгүй таг зогсвол яах билээ. Тиймээс шилэн хамгаалалт хийх зэрэг сайн туршлагаас хэрэгжүүлээд бусад байгууллагуудад жишиг болоод ажлаа үргэлжлүүлж байна гэлээ.