Засгийн газраар хэлэлцсэн асуудлын үеэр Шадар сайд Я.Содбаатар сэтгүүлчдийн асуултад хариуллаа.

Коронавирусийн вакцийн оруулж ирүүлэх талаар тэрбээр "Вакцины асуудлаар Сангийн сайд Ч.Хүрэлбаатараар ахлуулж, Гадаад харилцааны сайд Энхтайван орлогчоор ажилласан томоохон ажлын хэсэг бий. ДЭМБ-аас бүртгэсэн вакцин байхгүй байгаа. Гэхдээ дэлхийн хэмжээнд 10 вакцийн гуравдугаар шатлалдаа орсон. ДЭМБ, олон улсын хатуу хоригтой орнуудын тоонд багтсан тохиолдолд Монгол Улс  хамгийн эхэнд вакцийн оруулж ирэхээр ажиллаж байна. Вакциныг иргэд сайн дурын үндсэн дээр хийдэг. Зургаан үйлдвэрлэгч улсаас вакцин авахаар судалж байна. Эдгээр вакцин нь хүүхдэд хийдэггүй. Тэгэхээр 1.3 сая хүүхэд вакцинд хамрагдахгүй. Цаана нь хоёр сая иргэн үлдэж байгаа юм. Эхний ээлжинд нэг сая гаран тун вакцийн шийдэгдэхээр байгаа. Нийт хүн амын 20 хувь гэсэн үг" гэв.