УИХ дахь Ардчилсан намын бүлгийн гишүүн С.Одонтуяа “Иргэд түлшээ ч авах мөнгөгүй боллоо. Түлшээ авахтал дээр нь нийслэлээс ямар арга хэмжээ авч байна вэ. Төсөв санхүүд суулгасан зүйл байна уу” гэхэд хотын даргын нэгдүгээр орлогч Ж.Сандагсүрэн “түлшний цэгийг нэмэгдүүлж байгаа. Өнгөрсөн жил 160 орчим цэгтэй байсан бол энэ жил 610 орчим цэг ажиллаж байна. Өндөрлөг газруудад 100 гаруй цэгүүд ажиллаж байна. Энэ жил 800 цэгт хүргэнэ гэсэн төлөвлөгөө бий. Нэг цэг нь 1.5 сая төгрөгийн түлшээ аваад борлуулаад явж байгаа. Харин тусламж хэрэгтэй байгаа өрхөө түлш болон хүнсний чиглэлэээр нь ангилсан. 

Эхний ээлжинд 10 мянган өрхөд нэг тонн түлшний тусламж үзүүлэх ажил явагдаж байна. Үүнээс 6000 гаруй өрхөд түлшний тусламж очсон. Үлдсэн 3000 өрхөд түлшний тусламж удахгүй очно гэлээ.