Засгийн газрын хуралдаанаас гаргасан шийдвэрийг танилцуулж байна. Энэ үеэр нийслэлийн Засаг даргын орлогч Ж.Сандагсүрэн "Согтууруулах ундаагаар үйлчлэх асуудал нийслэлийн хувьд тэргүүн сэдэв биш. Уг нь эхлээд кофе шопыг нээнэ гэж байсан ч худалдаа үйлчилгээний  салбарыг ажиллуулахааргүй болсон. Уг нь согтууруулах ундаа худалдаалах асуудлыг кофе шопын өмнө тавьмаар байсан. Гэхдээ хууль бусаар согтууруулах ундаа худалдаалах явдал газар авч байна.

Спиртийн агууламж багатай согтууруулах ундааг худалдаалах талаар хэлэлцсэн. Эрдэмтдийн зөвлөлтэй зөвлөлдөж, нийслэлийн Засаг дарга дэмжиж, Засгийн газрын хуралдаанд танилцуулсан" гэлээ. Мөн Хууль зүй, дотоод хэргийн сайд Х.Нямбаатар "Архи согтууруулах ундааг борлуулах асуудлыг аймаг, нийслэлийн Засаг дарга хариуцдаг. Өнөөдрийн хуралдаан дээр 17-оос доош градустай согтууруулах ундааг борлуулах талаар санал гарсан" гэлээ.