УОК-оос орон нутгийн иргэдийг нутаг буцаах талаар мэдээлэл өгч байна. Энэ үеэр ЭМЯ-ны төрийн нарийн бичгийн дарга Я.Амаржаргал "Нийтийн тээврийн хэрэгслээр явахдаа иргэд халдвар хамгааллын дэглэмээ сайн барих ёстой. Нэг удаагаагийн амны хаалтаа хоёр цаг тутамд солих хэрэгтэй. Иргэд 14 хоног гэртээ өөрийгөө тусгаарласны дараа шинжилгээ өгөх ёстой. 14 хоногтоо шинж тэмдэг илэрвэл орон нутгийн эрүүл мэндийн байгууллагадаа хандах хэрэгтэй шүү. Зорчигч тээвэрлэж байгаа автобусны жолооч нарт бид шаардлага тавина. Халдвар хамгааллын дэглэмийн талаар авч хэрэгжүүлж болох бүх арга хэмжээг зохицуулах ёстой. 

Манайд батлагдсан тохиолдол 719 байна. Дотроосоо илэрсэн тохиолдлоо PCR-аар шинжилж баталгаажуулж байгаа юм. Гурван удаа шинжилж байна. Орон нутаг руу явах иргэдийг бүгдийг нь PCR-аар шинжлэх гэж байгаа.  Нэг хүнд PCR шинжилгээг үнэ төлбөргүй хийнэ. Нэг PCR шинжилгээний өртөг 150 мянган төгрөг байдаг. Харин орон нутаг хооронд дунд шинжилгээ хийхдээ PCR-аар шинжлэх боломжгүй бол түргэвчилсэн оношлуураар шинжилгээ хийж болно.