Хууль зүй, дотоод хэргийн сайд Х.Нямбаатар Жорж Ченийг ажлаас нь чөлөөлүүлэх өргөдөл өгөх тухай мэдээлэл хийсэн. Тэрбээр энэ талаар ярихдаа “2022 оны есдүгээр сарын 20-нд манай яамны хоёр давхрын уулзалтын өрөөнд бид уулзсан. Бидний уулзалтын бичлэг бүтнээрээ байгаа. Фэйсбүүк компанийн Азийг хариуцсан мэргэжилтэн Жорж Чен гэгч надтай уулзахдаа "Танай хууль эрх зүйн орчинг боловсронгуй болгох тал дээр хамтарч ажиллая. Танай цахим орчин дахь хүчирхийлэл, ёс бус контентуудыг цэгцлүүлэхээр техникийн багаа ажиллуулж болно” гэсэн. Бид хуулийн төслөө Монгол Улс дахь төлөөлөгчдөд нь хүлээлгэж өгсөн. Гэтэл Жорж Чен надтай уулзаагүй, намайг худал ярьсан хэмээсэн. Тиймээс Жорж Чен манай Засгийн газраас уучлалт гуйх хэрэгтэй. Түүний ярьсан асуудлыг нь шүүхэд өгч, асуудлыг цэгцэлнэ" гэлээ.