Олон нийтийн сүлжээнд хүний эрхийг хамгаалах тухай хуульд Ерөнхийлөгч бүхэлд нь хориг тавьсан талаар Ерөнхийлөгчийн Тамгын газраас мэдээлэл хийж байна.

      Ерөнхийлөгчийн Тамгын газрын дарга Я.Содбаатар "Ерөнхийлөгч Засгийн газраас өргөн мэдүүлсэн хуульд бүхэлд хориг тавьж байна. Сүүлийн үед цахим орчинд гарч байгаа гэмт хэрэг нэмэгдэж, хүний нэр төрд халдах, насанд хүрээгүй хүүхдийг уруу татах зэрэг сөрөг үр дагаврууд бий. Энэ чиглэлээр хууль эрх зүйн орчинг сайжруулах шаардлага бий. УИХ, Засгийн газар үүнд анхаарах нь зөв. Тиймээс олон нийтийн саналыг сонсож, мэргэжлийн байгууллагаас зөвлөгөө авах, олон улсын сайн туршлагыг судлах нь зүйтэй.

     Олон нийтийн сүлжээнд хүний эрхийг хамгаалах тухай хуульд хориг тавихдаа дагалдан гарах хуулиудад мөн хориг тавьж байгаа. Таван хууль бий. ҮАБЗ-ийн хуралдаанаар энэ хуулийн талаар шийдвэр гаргаагүй. Мөн цахим орчинд гарч байгаа хууль бус зүйлийг бид үгүйсгэж байгаа юм биш. Гэхдээ холбогдох хуулиудын хүрээнд, заалтуудыг дагаж мөрдөх ёстой гэсэн байр суурьтай байна. Монгол Улсад мөрдөж байгаа хуулиар Ерөнхийлөгч чуулган завсарласны дараа хуульд хориг тавибал, дараагийн чуулганы эхний 14 хоногт хоргийг хэлэлцэх ёстой. Хоригийг нийт гишүүдийн гуравны нэгээр хүлээн авна. Хуульд бүхэлд нь хориг тавьсан учраас хоёрдугаар сарын 1-ээс хуулийн үйлчлэл түдгэлзэнэ" гэв.