УИХ-ын гишүүн асан Л.Гүндалай өөрийн цахим хуудсаараа дамжуулан АН-ын даргын сонгуулийн талаар мэдээлэл хийлээ.

        Тэрбээр “АН олон даргатай  болоод байгаа. С.Эрдэнийн АН-ын сонгуульд би оролцоод ялагдчихлаа. Би ялж, ялагдаж чадна. Гэхдээ луйвраар ялагдах нь сонин юм болов уу. Цахимаар авч, хаагдаад хурлын зааланд хүлээсэн. Тэгтэл дотоод сонгуулийн хороо бичиг авчраад, саналын дүнг уншсан. Хүнд ойлгогдохоор дүн явцыг нь гаргаад, ойлгомжтой тайлбарлах хэрэгтэй. Бид нарт харуулахгүй, тусгай  өрөөнд дүнгээ хараад, хурлаа хийгээд “АН-ын даргаар Д.Ганбат” сонгогдлоо гэсэн. Хэрэв шударга сонгууль болсон бол би ялах байсан байх. Юмыг дандаа шударга болно гэж итгэдэг миний л буруу юм даа" гэлээ.