УИХ-ын нэгдсэн чуулган хуралдаж байна. Хуралдаанаар Олон нийтийн сүлжээнд хүний эрхийг хамгаалах тухай хуулийн төсөл болон хамт өргөн мэдүүлсэн хуулийн төслийг хэлэлцэж байна. Энэ үер УИХ-ын гишүүн О.Цогтгэрэл үг хэлж, хариулт авлаа.

                Тэрбээр “Уг хуулийн төслийг манай намын бүлэг дахин хэлэлцлээ.  Хүний эрхийг зөрчсөн дордуулсан байх магадлалтай маш олон зүйл, заалт байна гэдэгт санал нэгдлээ.  ХҮЭК ч ийм байр суурьтай байгаа юм байна. Зөрчил бүхий контент гэдгийг хэн тогтоох юм.  Үндсэн хуулийг зөрчсөн байж магадгүй зүйл заалтууд ч  байгаа нь ажиглагдсан. Төрийн албаны бүтэц гаргаад, бүх контентыг хянах юм байна гэж ойлгосон. Энэ хууль хоёрдугаар сарын 1-нээс хэрэгжиж эхэлнэ гэсэн нь маш яаруу  байна. Мөн 2-3 хоногт хэлэлцэж батлах нь цаг хугацааны хувьд тохиромжгүй юм” гэлээ.