Хөгжлийн банкны зээлтэй холбоотой нээлттэй сонсгол тав дахь өдрөө Төрийн ордонд үргэлжилж байна. Өнөөдрийн хурлаар  “Монполимет” ХХК-ийн Монцемент төсөлд олгосон зээлийн талаар мэдээлэл сонсож байна. Монгол Улсын Хөгжлийн банкны Зээлийн удирдлагын хорооны шийдвэр болон ТУЗ-ийн 2015 оны тавдугаар сар 28-ны 35 тогтоолоор “Монполимет” ХХК-д 65 сая ам.долларын зээлийг жилийн 7.85 хувийн хүүтэй, долоон жил хоёр сарын хугацаатай олгохоор шийдвэрлэжээ.  Улмаар 2014оны аравдугаар сарын 28-ны өдөр 35 тэрбум ам.доллар, 2015 онгы зургадугаар сарын 30-нд 29.9 тэрбум ам.доллароор хэсэгчилж зээлийг бүрэн олгосон байна.

     Тус зээлийн гэрээний хугацаа 2021 оны арванхоёрдугаар сарын 28-ны өдрөөс хойш хугацаа хэтэрч эхэлсэн. 2022 оны арванхоёрдугаар сарын31-ний өдрийн байдлаар үндсэн зээлийн төлбөрт 42.3 сая ам.доллар, хүүгийн төлбөрт 25.2 сая ам.доллар нийт 67.5 сая ам.долларын эргэн төлөлтийг хийсэн байна.

       2022 оны аравдугаар сарын 20-ноос хойш хугацаанд төлөгдсөн дүн үндсэн зээлийн төлбөрт 8.9 сая ам.доллар, зээлийн хүүгийн төлбөрт 9.3 сая ам.доллар нийт 18.2 сая ам.доллар буюу 55.0 тэрбум төгрөгийн эргэн төлөлтийг хийсэн байна. 2022 оны арванхоёрдугаар сарын 31-ний өдрийн байдлаар зээлийн үлдэгдэл 23.9 сая ам.доллар /82.4 тэрбум төгрөг Монголбанкны албан ханшаар/ өр төлбөрийн үлдэгдэлтэй байна.

      Зээлийн гэрээний хугацаа 2021 оны арванхоёрдугаар сарын 28-ны өдрөөс дуусгавар болсон ч зээлдэгчийн зүгээс дэлхий нийтэд тархсан цар тахлын нөхцөл байдлаас хамаарч зээлийн хугацаанд нь хаагаагүй тул зээлээс тодорхой хэмжээнд төлбөр төлж зээлийн хугацаа сунгах хүсэлтийг гаргасан. Банкны зүгээс зээлдэгчээс ирүүлсэн хүсэлтийн дагуу судалгааг хийсэн ба эцэслэн шийдвэрлээгүй байна. “Монполимет” ХХК-ийн зүгээс зээл олголтын шимтгэлтэй холбоотой нэхэмжлэл шүүхэд гаргасан. Банкны зүгээс гэрээнд заасан харилцааны хүрээнд зээлдэгчид зээлийн төлбөрийг төлүүлэх шаардлага тавих ба төлөхгүй тохиолдолд хууль хяналтын байгууллагад хандахаар ажиллаж байна.