Хөгжлийн банкны зээлтэй холбоотой нээлттэй сонсгол тав дахь өдрөө үргэлжилж байна. Өнөөдрийн сонсголд “Сод монгол” группт Хөгжлийн банкнаас олгосон зээлийн талаар хэлэлцлээ.

ХЯНАН ШАЛГАХ ТҮР ХОРООНЫ ДАРГА Б.ЭНХБАЯР: Уг зээлийг авах үед Ц.Ананбазар гишүүн та УИХ-ын гишүүн байгаагүй. Нийт зээлээс шинжээчийн дүгнэлтээр 31 сая 64 мянга 165 юэнь зориулалтын бусаар ашигласан байна. Та үүнд тайлбар өгнө үү.

УИХ-ЫН ГИШҮҮН Ц.АНАНДБАЗАР: Бидний амжилттай хийж, хэрэгжүүлж буй энэ төсөл монголын нефт химийн үйлдвэрийн анхдагч юм. Энэ үйлдвэр анх Эрдэнэт үйлдвэрийн ойролцоо “Мон ами” үйлдвэр Эрдэнэт үйлдвэртэй хамтраад анхны маслоны үйлдвэрийг хийсэн туршлагатай, дөрвөн жил ажилласан. Монголын моторын масло буюу хамгийн гол хэсэг юм. Бид нефтийн үйлдвэр барина гэдэг. Хамгийн анхны нефтийн үйлдвэр бол бидний байгуулсан “Мон ами” үйлдвэр юм. Тэр үйлдвэр Эрдэнэт хотод байрлалтай, Монгол Улсад маслоны галт тэрэг байдаггүй. Тиймээс Эрдэнэтээс бөөнөөр татах боломжгүй, Улаанбаатар руу шилжүүлэх шаардлага гарч байсан. Энэ үед Монгол Улсын Засгийн газар нефт боловсруулах үйлдвэрийн төсөл эхлүүлсэн. Энэ төслийн санхүүг хөөцөлдөж, босгож байсан хүн бол би байгаа юм. Нэг тэрбум төгрөгийг Энэтхэгийн банкнаас авч , Монгол Улс маань анхны нефтийн үйлдвэртэй болох эхлэл тавигдсан. Тэр үед Ерөнхий сайд асан Ж.Эрдэнэбат, У. Хүрэлсүх нарын орон тооны бус зөвлөх байсан. Монгол Улсын эдийн засаг босох үндсэн шалтгаан нь импортыг орлох үйлдвэрийг хийх чухал гэж би боддог юм. Хөгжлийн банкны зээл ч үүнд чиглэх хэрэгтэй. Бид нийтдээ 46 сая ам долларын хөрөнгө оруулалттай үйлдвэрийн төслөөс 14 хувийг Хөгжлийн банкнаас авсан. Үлдсэн 86 хувийг компани өөрөө санхүүжүүлсэн. Бүх дэд бүтцийг хийж, иж бүрэн байгуулсан. Энэ үйлдвэр бүтээгдэхүүн үйлдвэрлэж эхлээгүй байгаа шалтгаан нь масло хоёр зүйлээс бүрддэг. Энэ зээлийг анх 2017 онд “Сод монгол” группын удирдлага хөөцөлдөж авсан.