Хөгжлийн банкны нээлттэй сонсгол тав дахь өдрөө Төрийн ордонд үргэлжилж байна. Өнөөдрийн сонсголоор “Парамид орд” ХХК “Буман залуус” 296 айлын орон сууцны зээлийг хэлэлцэж байна. Тус компани нь Хөгжлийн банкнаас нийт 14.9 тэрбум төгрөгийн зээл авсан байна. Энэ үеэр  Хөгжлийн банкнаас авсан зээлийн дагуу тус компанийн хувьцаа эзэмшигч болон тэдний өмгөөлөгч, мөн Ерөнхийлөгч асан Х.Баттулгыг гэрчээр дуудсан байна. Тэгвэл гэрчээр оролцох байсан Ерөнхийлөгч асан Х.Баттулга сонсголд оролцсонгүй. Учир нь тэрбээр дараах учир байдлын үүднээс Хөгжлийн банкны сонсголд гэрчээр оролцож чадахгүй байгаагаа албан бичгээр ирүүлжээ.

  Нэгдүгээрт, Ардчилсан намын дотоод сонгуультай холбоотой үйл ажиллагаанд зайлшгүй хяналт тавих үүднээс давхцаж байна.

Хоёрдугаарт, “Пирамид орд” ХХК-ийн Хөгжлийн банкнаас зээлсэн мөнгөтэй холбоотой асуудлаар Авлигатай тэмцэх газарт гэрчээр байцаагдаж, мөрдөн байцаагчийн ажиллагаанд саад учрахгүйн үүднээс энэ хэрэгтэй холбоотой мөрдөн байцаалтын нууц задруулахгүй байх баталгаа гаргасан тул холбогдох асуудлаар биечлэн оролцох мэдүүлэг өгөх боломжгүй юм.