Боловсрол, соёл, шинжлэх ухааны сайд асан ЛУ.Гантөмөр Ардчилсан намын даргаар сонгогдлоо. Тэрбээр Увс аймгийн Улаангом хотын 10 жилийн нэгдүгээр сургуулийг төгссөн.  Мөн 1993-1996 онд Японы Сэндай Дэнпа коллежийг харилцаа холбооны инженер мэргэжлээр, 1996-1999 онд Японы Нагаокагийн Техник Технологийн их сургуулийг электроникийн инженер мэргэжлээр төгссөн байна. Түүний эрхэлж албан тушаалын байдлыг дурдвал,  2000-2004 онд “Сэтгэшгүй трейд” ХХК-ийн дэд захирал, 1999-2000 Шинэ-Үе залуучуудын байгууллага, СБД-ийн дарга, 2000-2007 онд Ардчилсан залуучуудын холбооны дэд ерөнхийлөгч, 2007-2010 онд Ардчилсан залуучуудын холбооны ерөнхийлөгч, 2004-2008 онд Монгол Улсын Их Хурлын гишүүн, 2005-2006 онд Ёс зүйн дэд хорооны дарга, 2006-2007 онд УИХ-ын Эдийн засгийн байнгын хорооны дарга, 2008-2012 онд Монгол Улсын Их Хурлын гишүүн, 2009-2012 онд УИХ дахь Ардчилсан намын бүлгийн дэд дарга, 2012-2016 онд УИХ-ын гишүүн, Боловсрол, соёл, шинжлэх ухааны сайдаар ажиллаж байжээ. Мөн 2010 онд Улаан загалмайн нийгэмлэгийн дэд ерөнхийлөгч, 2010 оноос Ардчилсан залуучуудын холбооны хүндэт ерөнхийлөгч, 2005 оноос Жижиг дунд үйлдвэрийн хөгжил нэгдсэн холбооны ерөнхийлөгчөөр ажиллаж байсан түүхтэй.

    Тэрбээр 2021 оны хөрөнгө орлогын мэдүүлэгтээ 50.741.000 төгрөгийн орлоготой, 35 сая төгрөгийн орон сууцтай, нэг оффистой, 10 сая төгрөгийн автомашинтай, 10 сая төгрөгийн газартай хэмээн мэдүүлжээ.