Ардчилсан намын даргад гишүүдийн олонх Лу.Гантөмөрийг дэмжсэн шийдвэр гарсан. Тэгвэл энэхүү гишүүдийн хуралд саналаа өгөхөөр ирсэн Кёкүшюзан Д.Батбаяр өөрийн байр суурийг илэрхийллээ.

      Тэрбээр “Миний хувьд болон Ардчилсан намын мянга, мянган дэмжигч, ардчиллыг дэмждэг хүмүүс Ардчилсан нам эв нэгдэлдээ хүрээсэй гэж хүсэж байгаа. Одоогоор ямар ч зөрчилдөөн, маргаангүйгээр явагдаж байна. Намын даргаар хэн сонгогдох нь гол нь биш. Миний харж байгаагаар Лу.Гантөмөр, С.Баярцогт хоёр дээр санал хуваагдаж байгаа харагдаж байна. Хоёулаа л УИХ-д олон сонгогдсон, зөв хүмүүс. Ардчилал миний амьдралд том нөлөөтэй. Ардчиллын буянаар анх паспорт аваад, 1993 оны эхээр Япон Улс  руу явсан анхны хүн. Ардчиллын төлөө арван долоон настай өлсгөлөн зарлах гээд нэрээ бүртгүүлж байсан. Тэгэхээр миний зүрх сэтгэл, амьдрал ардчилалтай холбоотой. Миний хувьд тэрийг нь дэмжиж байна гэсэн хүн байхгүй.  Сайн бодож байгаад ирээдүйгээ бодсон сонголт хийнэ. Өнөөдөр Монгол Улсад дундаж амьдарч байгаа хүн алга. Нэг бол улныхан, нөгөө бол хэтэрхий тасарсан баян байна. Би ч заримдаа өөрөө улныханд орчихсон явдаг. Өнөөдрийн манай улсын амьдрал ийм л байна. Одоогоор надад хилийн хориг тавиагүй" гэв.