Хөгжлийн банкны сонсгол Төрийн ордонд үргэлжилсээр байгаа. Сонсголоор НВЦ ХХК-ийн “Хөдөө аж ахуй, шувууны гаралтай бүтээгдэхүүн үйлдвэрлэлийн цогцолбор байгуулах төсөл”-д олгосон зээлийн мэдээллийг хэлэлцсэн.

     Тодруулбал, МУХБ-ны ТУЗ-ийн 2017 оны наймдугаар сарын 23-ны өдрийн 60 дугаар тогтоол, ЗУХ-ны 2017 оны наймдугаар сарын 17-ны өдрийн 2017/67 дугаартай дүгнэлтийн хүрээнд НВЦ ХХК-ийн “Хөдөө аж ахуй, шувууны гаралтай бүтээгдэхүүн үйлдвэрлэлийн цогцолбор байгуулах төсөл”-д зориулан 21.0 сая ам.доллар хүртэл зээлийг олгохоор шийдвэрлэсэн. Тэгвэл зээлийг эргэн төлөхөд тулгамдаж байгаа асуудал нь үйл ажиллагааны орлогоос шүүхийн шийдвэрээр гарсан өр төлбөрийг богино хугацаанд төлж барагдуулах боломжгүй байгаа. Өнөөдрийн байдлаар сард 400 орчим сая төгрөгийн төлбөрийг үйл ажиллагааны орлогоос төлж байгаа аж.