Нийслэлийн прокурорын газрын Хэрэг бүртгэх, мөрдөн байцаах ажиллагаанд хяналт тавих нэгдүгээр хэлтсийн дарга Б.Мөнх-Од нүүрс олборлолт, тээвэрлэлт, худалдан авах гэрээтэй холбоотой мэдээлэл өглөө. Тэрбээр “Нүүрс олборлолт, тээвэрлэлт худалдан авах ажиллаагаатай холбоотой 44 Эрүүгийн хэрэгт мөрдөн шалгах ажиллагаа явуулсан. Үүнээс 28 нь хэрэг бүртгэлтийн хэрэг, 18 нь мөрдөн байцаалтын хэрэг байна. Одоогийн байдлаар нүүрстэй холбоотой дөрвөн хэрэгт улсын прокурорын газраас яллах дүгнэлт гаргасан. Гашуун сухайт дах Гаалийн газрын улсын байцаагч болон Өмнөговь аймгийн Гашуун сухайт боомтын хилийн шалган нэвтрүүлэх албан хаагч нар хахуул авсан, Хил хамгаалах Ерөнхий газрын Хилийн 131 дүгээр ангийн алба хаагчид албаны гүйцэтгэх ёсгүй ажил хэргийг хянаж байна. Нүүрсний хэрэгт холбогдуулан 92 хүнд Эрүүгийн хэрэг үүсгэсэн. Үүнээс 44 нь нийтийн албан тушаалтан байгаа юм. АТГ-аас нүүрсний хулгайд холбогдсон 17 хүнийг шалгаж байгаа. Тус хэрэгт холбогдсон УИХ-ын гишүүн А.Адъяасүрэнг яллагдагчаар татах тогтоолыг прокурорын байгууллагаас гаргасан” гэлээ.