Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос "Нотлох баримтыг шинжлэн судлах сонсгол" гурав дахь өдрөө үргэлжилж байна. 

      Сонсголын эхэнд "Кью Эс Си" ХХК-д Хөгжлийн банкнаас зээл олгосон асуудлаар мэдээлэл сонслоо. тус компанийн эцсийн өмчлөгч, гүйцэтгэх захирал Д.Шижир мэдээлэл өглөө.

 Шинжээч: "Кью Эс Си" ХХК нь Төмөртэйн ордоос Хандгайт өртөө хүртэлх төмөр зам барих төслөөр 71.3 сая ам.долларын зээлийг найман хувийн хүүтэй, 2014 онд авсан байна. Улмаар 2018 онд төлж барагдуулахаар авсан. 2022 оны байдлаар 191.2 тэрбум төгрөгийн зээлийг төлж, Хөгжлийн банкны хаагдсан зээлийн жагсаалтад орсон байна. "Кью Эс Си" ХХК-ийн 2014 онд зээл авахад Куалити Стийл Кропорэйшин эзэмшиж байсан бөгөөд тус компани нь ТУЗ-ийн даргаа Д.Эрдэнэбилэг ажиллаж байжээ.

Зээлийн зарцуулалтын хувьд Худалдаа хөгжлийн банканд байгууллагын дансанд "Зээлийн хүү төлж хаав" гэсэн утгаар 1.1 сая ам.долларыг, "Кью Эс Си" ХХК-ийн Худалдаа хөгжлийн банканд байгууллагын бизнесийн дансанд "зээл хүү төлж хаав" утгаар гурван сая ам.долларыг, мөн тус компанийн …7217 шугамын зээлийн дансанд "Хүү төлж хаав" утгаар 29.7 тэрбум ам.долларыг, Худалдаа хөгжлийн банкны зээлийн дансанд 36.5 сая ам.долларыг тус тус шилжүүлсэн байна.

Дээрх таван гүйлгээ буюу нийт гурван зээлийн төлбөрийг хаасан байна. Нэг нь Худалдаа хөгжлийн банк дахь  өөрийн харилцах данс руу гүйлгээ хийсэн байна. Ингэхдээ "Кью Эс Си" ХХК-ийн зээлүүдийг ерөнхийдөө 2010 оны арванхоёрдугаар сарын 12-ны өдрөөс ашиглаж эхэлсэн байна. Тухайн гурван зээлийг "Кью Эс Си" ХХК өөрийн Худалдаа хөгжлийн банкин дахь …0051 тоот данснаас авсан байсан. Түүнээс байгууллагын 1.1 сая ам.долларын зээлийг "Кью Эс Си" ХХК 2017 оны дөрөвдүгээр сарын 14-ний өдрийн 317 мянган ам.долларыг Улаанбаатар хотын банк дахь "Юнайтед энержи систем" ХХК-ийн дансанд гэрээний дагуу гэсэн гүйлгээний утгаар шилжүүлжээ. Төгрөгийн данснаасаа 31.9 тэрбум төгрөгийг гэрээний концессын төлбөр буюу Сангийн яамны данс руу шилжүүлсэн