Нийгмийн бодлогын байнгын хороо цаг үеийн асуудлаар хуралдлаа. Хуралдааны үеэр Хөдөлмөр, нийгмийн хамгааллын дэд сайд С.Зулпхар мэдээлэл өглөө.

            Тэрбээр ”Хүүхдийн мөнгөн тэтгэмж олгох журмыг Засгийн газрын  2023 оны нэгдүгээр сарын 6-ний өдрийн хуралдаанаар баталсан. Энэ журмын дагуу бид хүүхдийн мөнгөн тэтгэмж олгох ажлыг зохион байгуулж байна. Засгийн газраас хүүхдийн мөнгөнд хамрагдах өрхийн орлогын баримтаар хамрагдах эсэхийг тодорхойлох журмыг голлон зохицуулсан. Бид анх удаа цахим мэдээлэл дээр үндэслэн хялбаршуулсан байдлаар зохицуулж байгаа учир зарим алдаа гарч байна” гэлээ.