УИХ-ын гишүүн Н.Алтанхуяг “Одоо жоохон шуурхай ажилламаар байна. Газар, газар түгжигдсэн хүмүүсээ яах гээд байгаа юм бэ. Долоо хоногийн өмнө л асуусан. Яг тэр хариултаа хэлээд сууж байна. Түр хороо ажлаа хий л дээ. Оношилгоо, эмчилгээнд чинь эргэлзэж байна. Я.Содбаатар, Т.Мөнхсайхан хоёроос юм асуугаад нэмэр алга. Тэр мэргэжлийн хүмүүсийг нь суулгаад байнгын хорооны хурал дээр ярилцмаар байна” гэхэд, 

         Шадар сайд Я.Содбаатар "Түгжигдсэн гээд байгаа хүмүүсийг та Шадар сайд байгаад ч гаргаж чадахгүй, Н.Алтанхуяг аа. Хатуу хөл хорио юм чинь хүмүүсийг хорино шүү дээ. Хамгийн гол нь халдвар тараад байна. Та ч ийм ажил хийж байсан. Хоёрын хооронд битгий улс төр хийж бай. Мэргэжлийн хүмүүсийн зөвлөмж дээр тулгуурлаж энэ саналыг гаргадаг. Би энэ орон нутгийн иргэдийг өнөөдөр ч гэсэн гаргамаар байна. Гэтэл нийт иргэдээс ойрын хавьтлаа нуусан хоёр халдвар гарчихлаа. Хэрвээ халдвар нэмж гараагүй байсан бол өнөөдрөөс гаргах асуудлыг ярих гэж байсан” гэсэн тайлбар өгсөн юм. 

          Н.Алтанхуяг гишүүн “Та нар ямар эмзэг юм бэ. Чадахгүй бол ажлаа тавьж өг. 14 хоног хорьж байгаа юм бол дараа нь яах вэ гэдэг шийдвэрээ гаргаж чадахгүй байгаа биз дээ” гэсэн юм.