Коронавируст халдварын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн биелэлтийг хэлэлцэх, хяналт тавих, санал, дүгнэлт гаргах Түр хорооны хуралдаан үргэлжилж байна. Коронавируст халдвараас урьдчилан сэргийлэх, голомтыг хумих таслан зогсоох чиглэлээр авч хэрэгжүүлж байгаа арга хэмжээний талаар Шадар сайд Я.Содбаатар танилцуулсан. Үүнтэй холбогдуулан гишүүд асуулт асууж байна. Тухайлбал, УИХ-ын гишүүн Б.Дэлгэрсайхан халамж орон нутагт зорилтот эзэндээ хүрэхгүй байна гэсэн юм. Энэ талаар 11 сарын халамжийн мөнгө, хүүхдийн мөнгө, тэтгэвэр, тэтгэмж бүгд орсон байгаа. Дорноговь аймагт ийм асуудал тулгарсан бол тодруулаад шийдвэрлэнэ. Орон нутгийн иргэд, оюутнуудыг явуулна. Гэхдээ цаана нь үлдэж байгаа хоёр сая хүний асуудал яригдаж байна хэмээн Шадар сайд Я.Содбаатар хариуллаа.  УИХ-ын гишүүн Д.Бат-Эрдэнэ “халдварын тархалтыг хумисан гэж мэдээлэл өгөөд байна. Эрүүл мэндийн сайд нэг өөр мэдээлэл өгөөд байна. Нэгдсэн мэдээлэл өгч болдоггүй юм уу. Хариуцлагатай байх хэрэгтэй” гэдгийг анхаарууллаа.