УИХ-ын гишүүн Б.Дэлгэрсайханыг төмөр замын бүтээн байгуулалтаараа дамжуулан нүүрс тээвэр хийдэг гэсэн мэдээлэл гарсан.

     Тэгвэл тэрбээр “Бизнес хийж байсан хүний хувьд надад нэг ч нүүрсний орд байхгүй. Хоёрдугаарт, нэг ч удаа нүүрсний наймаа хийж байгаагүй. Гуравдугаарт, тээвэр ложистикийн үйл ажиллагаа явуулдаг төмөр замтай байсан. Манайх нийгмийн хариуцлагынхаа хүрээнд жил бүр Улаанбаатар төмөр замд воганаа үнэ төлбөргүй өгдөг. Энэ нь дотоодын цахилгаан станцуудын нүүрсийг хангахын тулд Засгийн газраас бодлогоор өгүүлдэг юм. Буянтогтох гэх хүний яриаг үзсэн. Захиалгатай нэвтрүүлэгтэй юм билээ. Энэ хүний ярианд бол шүүхэд хандах багадна. Улаанбаатар төмөр зам гэх айлын хаалгаар  2016 оноос хойш шагайж үзээгүй явж байна. Тэгэхээр тэнд юу болж байгааг мэдэх боломжгүй. Тээвэр ложистикоос болж юмны үнэ тэнгэрт хадсан. Тиймээс манайх олон воган оруулж ирснээрээ маш том хөрөнгө оруулалт хийсэн гэж бодож байгаа. Манай ачааны воганы 60, 70 хувь нь төмрийн хүдэрт зориулагдсан намхан тэвштэй воган” гэв.